2.286 manns höfðu kosið klukkan 11

Klukkan 11 höfðu alls 2.286 manns kosið. Kjörstaðir loka klukkan 18 í dag en kosningar hafa farið fram síðustu tvo daga.

Í dag er því síðasti dagurinn til að kjósa í prófkjöri Sjálfstæðisflokksins í Suðvesturkjördæmi. Í framboði eru tólf einstaklingar sem keppast um sex sæti.

Kosið er á eftirfarandi stöðum:

Félagsheimili, Garðatorgi 7 í Garðabæ.

Félagsheimili, Norðurbakka 1a í Hafnafirði.

Lindaskóla, Núpalind 7 í Kópavogi.

Félagsheimilinu Kjarna á fyrstu hæð, Þverholti 2 í Mosfellsbæ.

Félagsheimili, Austurströnd 3 á Seltjarnarnesi.

Úrslit verða lesin upp frá Lindaskóla og fyrstu tölur verða lesnar upp klukkan 19. Hægt verður að fylgjast með þróun niðurstöðunnar í beinu streymi á vefsíðu Sjálfstæðisflokksins.

• Blogga um frétt