Samherji fiskeldi ehf., dótturfélag Samherja, áformar að byggja allt að 40 þúsund tonna landeldi á laxi í Auðlindagarðinum við Reykjanesvirkjun. Hafa náðst samningar við HS orku og landeigendur um uppbygginguna.

Meðal annars verður nýttur ylsjór sem er affall frá kælingu virkjunarinnar, að því er fram kemur í Morgunblaðinu í dag.

Áformað er að byggja stöðina upp á ellefu árum; seiðastöð, áframeldisstöð og frumvinnsluhús ásamt þjónustubyggingum. Heildarfjárfesting er áætluð ríflega 45 milljarðar króna. Stjórn Samherja hefur ákveðið að leggja fjármagn í fyrsta áfanga, 7,5 milljarða króna, en ráðgerir að leita til fleiri fjárfesta þegar kemur að frekari uppbyggingu.

Stöðin er gríðarlega stór, hvort sem mælistika íslensks fiskeldis er sett á hana eða mælistika landeldis í heiminum. Til samanburðar má nefna að heildarframleiðsla íslensku fiskeldisfyrirtækjanna á laxi var 34 þúsund tonn á síðasta ári, megninu var slátrað upp úr sjókvíum.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

Samherji

Mikilvægt að treysta viðskiptasamböndin

• Söfnuðu mottum og hálfri milljón
• Fengu allir sokka í tilefni mottumars
• Kaldbakur fékk yfirhalningu á Akureyri
• SKE rannsakar Samherja og Síldarvinnsluna

» Fleiri tengdar fréttir