Veðurspár hafa versnað ef eitthvað er og til að forðast vandræði er fólk eindregið ráðið frá því að ferðast með aftanívagna frá Borgarnesi, vestur um og norður í land frá því um hádegi í dag og fram undir miðnætti.
Eins verða snarpar hviður við Kvísker í Öræfum frá miðjum degi samkvæmt Einari Sveinbjörnssyni veðurfræðingi.
Gular og appelsínugular viðvaranir vegna veðurs eru í gildi fyrir daginn í dag og er fólk hvatt til að kynna sér þær vel og haga ferðum sínum í samræmi við þær.