Fyrir lok septembermánaðar verður búið að endurbólusetja Janssen-þega, bólusetja börn á aldrinum tólf til fimmtán ára og gefa viðkvæmum hópum, öldruðum og ónæmisbældum þriðja skammtinn af bóluefni. 

Þetta staðfestir Kamilla S. Jósefsdóttir, staðgengill sóttvarnarlæknis, í samtali við mbl.is. Hún skilaði inn minnisblaði til ráðuneytisins fyrir helgi þar sem fram kom áætlun sóttvarnayfirvalda um bólusetningu þessara hópa.

„Við höfum í forgangi að fullbólusetja hópa áður en við gefum þriðja skammtinn,“ segir hún og á þá við örvunarskammtana sem Janssen-þegar munu fá í næstu viku og grunnbólusetningu barna á aldrinum tólf til fimmtán ára. 

Börnin fyrst, svo aldraðir og ónæmisbældir

Það tók tíma að móta skipulag í tengslum við síðarnefnda hópinn. „Það þarf að koma upplýsingum til allra sem málið varðar, börn eiga að geta haft skoðun á því hvað er gert þótt þau þurfi samþykki foreldra til að þiggja bólusetningu.“

Það þurfti að móta upplýsingar fyrir ungmenni þar sem fram kæmu rök fyrir bólusetningunum og hvaða aukaverkanir kynnu að fylgja í kjölfarið.

Frétt af mbl.is

Gætu byrjað á hjúkrunarheimilum í næstu viku

Þegar búið verður að bólsetja börnin verður ráðist í bólusetningar á ónæmisbældum og öldruðum. Byrjað verður á þeim sem eru áttræðir eða eldri og búa sjálfstætt. Þá verða aðrir ónæmisbældir bólusettir og endað á fólki á aldrinum sextíu til sjötíu og níu ára, sem býr sjálfstætt.

Tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• Blogga um frétt