60 greindust með kórónuveiruna innanlands í gær. Þar af voru 22 í sóttkví við greiningu, eða rúm 36 prósent og 38 greindust utan sóttkvíar.
Þetta kemur fram í uppfærðum tölum á Covid.is.
55 smit greindust í einkennasýnatöku og fimm í sóttkvíar- og handahófskenndri sýnatöku. Fjöldi sýna sem tekin voru í gær er 3.159 og voru jákvæð sýni þannig 1,8 prósent.
Sem stendur eru 930 í einangrun með Covid-19 á landinu og 1.503 í sóttkví, sem er nokkur fækkun á milli daga en í gær voru 1.831 í sóttkví. Þá eru 924 í skimunarsóttkví.
22 eru á sjúkrahúsi með Covid-19, þar af sjö á gjörgæslu.
Ellefu smit greindust á landamærum Íslands, þar af voru níu virk en beðið er niðurstaða úr mótefnamælingum í tveimur tilfellum.
Fréttin hefur verið uppfærð.