Hámarksrennsli verði minna en áður
Setja bókamerki
Þróun Skaftárhlaupsins í nótt bendir til þess að hámarksrennsli hlaupsins nú verði minna en á árunum 2015 og 2018. Hámarksrennsli hlaupsins 2018 var rúmir 2.000 rúmmetrar á sekúndu.
Rennsli við Eldvatn í Skaftá hefur aukist jafnt og þétt frá því í gærkvöldi og mælist nú rúmlega 520 rúmmetrar á sekúndu.
Vatnshæðarmælir við Sveinstind sýnir nú um 1.400 rúmmetra á sekúndu þegar tekið er tillit til þess að talsvert af hlaupvatni er farið að flæða fram hjá mælinum líkt og í fyrri hlaupum, að því er segir á vef Veðurstofu Íslands. Mikið hefur hægt á vextinum frá því kl. 23 í gær.
Áfram er reiknað með að hlaupið komi til með að ná hámarki við þjóðveg 1 á morgun. Gera má ráð fyrir því að útbreiðsla hlaupsins vaxi í byggð í sólarhring eða meira, eftir að hámarkrennsli er náð við Eldvatn.
Íssjármælingar Jarðvísindastofnunar Háskóla Íslands gefa til kynna að vatnsmagn hlaupsins úr eystri katlinum verði meira en 2018. Því geta áhrif hlaupsins í byggð orðið svipuð og 2018, þrátt fyrir að hámarksrennsli nú verði mögulega minna.
Hlaupið úr vestari katlinum og úrkoma að undanförnu gerir það að verkum að flóðasvæðið er mettað af vatni sem mun líklega auka útbreiðslu hlaupsins.
Hlaupið óx nokkuð hratt í fyrstu og var vöxturinn við Sveinstind fyrstu 12 tímana mun hraðari en áður hefur sést. Þetta gaf tilefni til þess að hafa áhyggjur af því hversu stórt hlaupið yrði.
Líklegasta skýringin á hröðum vexti er sú að hlaupið úr eystri katlinum kemur í kjölfar hlaups úr þeim vestari. Vatnið á því greiðari leið undir jöklinum. Þar að auki ýtir það vatni sem fyrir er í farveginum úr vestari katlinum á undan sér.
Tengsl við undirheima ekki hluti af rannsókninni
„Hann skók húsið aðeins“
Vaxtahækkanir flýti fyrir því að þenslan minnki
Ræddu við skólasystkini stúlkunnar í dag
Er 83% skattur á hagnað hæfilegur?
Saka Ísraela um fjöldamorð
Ekki hópuppsögn að segja upp fastri yfirvinnu
„Staðan er grafalvarleg“