Magnar upp hljóðin í hafinu

Listaverkið Sjávarmál hefur verið sett upp á sjávarkambinum á Eiðsgranda í Reykjavík. Verkið var valið úr sjötíu innsendum tillögum um nýtt útilistaverk í Vesturbænum. Höfundar listaverksins eru arkitektarnir Baldur Helgi Snorrason og David Hugo Cabo í samstarfi við Andra Snæ Magnason rithöfund.

Frétt af mbl.is

Sjávarmálið sett upp á Eiðsgranda

Niðurstaða dómnefndar, sem birt var í fyrrasumar, er sú að Sjávarmál sé einstakt verk sem skapi spennandi umhverfi og fjalli um aðkallandi viðfangsefni um leið og það uppfylli öll skilyrði samkeppninnar um að auðga mannlíf í Vesturbænum.

Verkið er á Eiðsgranda til móts við Keilugranda, vestan megin við dælustöðina og blasir við hafi. Ekkert annað útilistaverk er á þessu svæði og nýja verkið er talið auka notagildi og aðdráttarafl svæðisins fyrir íbúa og þá sem þar eiga leið um.