Sjálfstæðismenn í borgarstjórn Reykjavíkur leggja til að borgin hefji sérstaka flýtimeðferð til þess að greiða fyrir uppbyggingu 3.000 íbúða í höfuðborginni.

Tillagan verður tekin fyrir á fundi borgarstjórnar á morgun, en í henni er gert er ráð fyrir skipulagi Keldnalands og Keldnaholts verði hraðað svo þar megi byggja 2.000 íbúðir fyrsta kastið. Eins verði upphaflegt skipulag Úlfarsárdals tekið í gagnið og skipulag BSÍ reitarins sett af stað aftur, en byggja megi 500 íbúðir í hvoru hverfi.

Aðilar vinnumarkaðar ánægðir

Í samtali Morgunblaðsins við aðila vinnumarkaðarins kemur fram ánægja með tillöguna, sem haft getur mikil áhrif á komandi kjarasamninga. Ragnar Þór Ingólfsson, formaður VR, minnir á að enn eigi eftir að efna ýmis fyrirheit lífskjarasamninga og að þar leiki húsnæðismál lykilhlutverk. Mikil húsnæðisekla, ekki síst í Reykjavík, hafi þrýst upp verði, aukið verðbólgu og haft áhrif á vexti.

Tengdar fréttir

Húsnæðismarkaðurinn

Nýjar íbúðir á Völlunum rjúka út

• Gerir ráð fyrir 150 samningum í næstu viku
• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“

» Fleiri tengdar fréttir