„Maður sér ekki svona lagað á Íslandi“

Sjónarvottur sem varð vitni að skotárás í miðbæ Reykjavíkur í nótt, segist hafa verið mjög skelkaður þegar hann hafi heyrt skothvelli rétt fyrir klukkan eitt í nótt og í framhaldinu séð mann með byssu á vappi við bílastæðahúsið við Ingólfsstræti. Karlmaður særðist í árásinni.

Frétt af mbl.is

Þrír í haldi vegna skotárásar í miðbænum í nótt

„Ég hringi strax í lögregluna. Hún og sérsveitin er mætt á sömu mínútu og lokar bílastæðahúsinu og farin að leita í bílum hér í kring,“ segir sjónarvotturinn sem ekki vill láta nafns síns getið.

„Þetta virtist vera lítil vélbyssa, eitthvað svoleiðis,“ bætir hann við.

Frétt af mbl.is

Ekki vitað hvort tvær skotárásir tengist

Þrír íslenskir karlmenn, rétt rúmlega tvítugir, eru í haldi lögreglu í tengslum við árásina en sjónarvotturinn segist aðeins hafa séð einn byssumann. Einn karlmaður særðist í árásinni en hann náði sjálfur að tilkynna um hana. Var hann í kjölfarið fluttur á sjúkrahús, en er ekki í lífshættu.

Aðspurður segist sjónarvotturinn aldrei hafa séð annað eins.

„Maður sér ekki svona lagað á Íslandi.“

Í myndbandi sem hann náði af aðgerðum lögreglu sést hvar vopnaðir sérsveitarmenn leita í bílastæðahúsi við Bergstaðarstræti í miðbæ Reykjavíkur.

Þessi skotárás er sú önnur í vikunni og lögreglan hefur þungar áhyggjur af auknum vopnaburði hérlendis.

Frétt af mbl.is

Gríðarlegur vopnaburður í miðbænum

Mikill viðbúnaður var vegna málsins. Skjáskot

• Blogga um frétt