Skráð andlát vegna Covid-19 voru orðin alls 91 í gær og hafði fjölgað um átta á tveimur dögum samkvæmt covid.is. Kona á sjötugsaldri lést á Landspítala 16. mars og í gær höfðu 53 látist úr Covid-19 á spítalanum.

Frétt af mbl.is

Mörg andlát eldra fólks undanfarið

Skráð hafa verið 54 andlát vegna sjúkdómsins frá síðustu áramótum. Guðrún Aspelund, yfirlæknir á sóttvarnasviði hjá embætti landlæknis, sagði að mörg andlát aldraðra hefðu fylgt ómíkron-bylgjunni.

„Smitin eru miklu fleiri en þau voru og hlutfallslega færri smitaðra hafa dáið en í fyrri bylgjum. Af þeim 54 sem látist hafa frá áramótum eru 37 áttræðir eða eldri og átta milli sjötugs og áttræðs. Þrír hinna látnu voru undir þrítugu,“ sagði Guðrún í samtali við Morgunblaðið.

Á covid.is eru skráð andlát sem tilkynnt hafa verið til sóttvarnalæknis sem andlát tengd Covid-19 eða vegna sjúkdómsins. Læknir þarf að staðfesta andlát og skrifa dánarvottorð. Þar er tilgreind dánarorsök eða dánarorsakir og það fer til embættis landlæknis og er yfirfarið. Flest andlát tengd Covid-19 verða á sjúkrastofnunum eða dvalar- og hjúkrunarheimilum þar sem læknar starfa.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir