Flugvél Air Baltic á leið til Riga, höfuðborgar Lettlands, var snúið við eftir flugtak á Keflavíkurflugvelli í gær og lenti þar á fimmta tímanum.
Að sögn lögreglunnar á Suðurnesjum var vélinni snúið við vegna farþega sem lét ófriðlega og ógnaði öryggi um borð.
Farþeginn var handtekinn við komuna aftur til Keflavíkur en er ekki lengur í haldi lögreglunnar.
Lögreglan segir málið hafa farið vel á endanum en atvik sem þessi komi upp endrum og sinnum.