Ríkislögreglustjóri hefur ákveðið að færa hættustig á landamærum vegna yfirálags niður á óvissustig.
Fram kemur í tilkynningu frá ríkislögreglustjóra, að þann 8.mars hafi verið virkjuð viðbragðsáætlun á hættustigi vegna yfirálags á landamærum, vegna einstaklinga sem sækja um alþjóðlega vernd á Íslandi.
„Nú þegar móttökukerfið fyrir einstaklinga hefur verið eflt á öllum stigum, með samhentu átaki, og fyrirséð er að efld geta kerfisins muni höndla vel þann fjölda sem hingað sækir, miðað við núverandi aðstæður, hefur ríkislögreglustjóri ákveðið að færa viðbúnaðarstig niður á óvissustig af hættustigi.“