Verkamaðurinn í fjögurra vikna gæsluvarðhald

Maðurinn sem réðist á vinnufélaga sinn með haka og klaufhamri, hefur verið úrskurðaður í fjögurra vikna gæsluvarðhald. 

Rannsókn málsins miðar ágætlega, að sögn Gríms Grímssonar, yfirlögregluþjóns miðlægrar rannsóknardeildar. Gæsluvarðhald yfir manninum rennur út þann 15. júlí.

Tveir voru færðir á slysadeild til aðhlynningar. Ekki liggja fyrir frekari upplýsingar um líðan þeirra að svo stöddu. 

Frétt af mbl.is

Réðst á samstarfsmann með klaufhamri og haka

Átök milli byggingarverkamanna

Tildrög atviksins voru þau að til átaka kom milli byggingaverkamanna sem voru við vinnu á Seltjarnarnesi á ellefta tímanum á föstudag. 

Starfsmaður verktakafyrirtækis réðist þá á samstarfsmann sinn með klaufhamri og haka. Sá sem varð fyrir árásinni fékk töluverða höfuðáverka, og vitni segja blóð hafa fossast út úr hausnum á honum. 

Samstarfsmenn mannanna náðu að yfirbuga árásarmanninn þar til lögreglu bar að garði og var hann þá handtekinn. 

• Blogga um frétt