Þurfa að greiða 141 milljón í sekt

Landsréttur.
Landsréttur. Ljósmynd/Samsett

Landsréttur hefur mildað dóm yfir tveimur mönnum sem voru sakfelldir í Héraðsdómi Reykjaness fyrir meiriháttar brot gegn skatta- og bókhaldslögum og peningaþvætti.

Þeir voru hvor um sig dæmdir í 12 mánaða skilorðsbundið fangelsi og til að greiða 70.500.000 krónur í sekt.

Samanlögð sekt þeirra nemur því 141 milljón króna.

Héraðsdómur hafði áður dæmt þá í 15 og 12 mánaða skilorðsbundið fangelsi og til að greiða samanlagt 210 milljónir króna í sekt.

Landsréttur vísaði frá héraðsdómi sakargiftum á hendur öðrum manninum fyrir peningaþvætti. Niðurstaðan var byggð á banni við tvöfaldri málsmeðferð og refsingu samkvæmt mannréttindasáttmála Evrópu.

mbl.is