Einar Sveinbjörnsson veðurfræðingur bendir á ósanngjarnt veðurfar Íslands, í færslu á facebook-síðu veðurvefsins Bliku.
„Á stað í N-Noregi á svipaðri breiddargráðu og Grímsey mældist hitinn 31,6°C í dag. Saltdalur kallast hann. Reyndar aðeins inni í landi, en austan hans blasir við 90 ferkílómetra jökull, Blámannsísinn,“ skrifar Einar.
Segir hann þá hitastigið eiginlega ekki sanngjarnt því aldrei nokkru sinni hafi mælst svo hár hiti hér á landi.
Að lokum spyr Einar hvort við á Íslandi mættum ekki fá, þó ekki væri nema lítinn afleggjara, af þessari heitu loftbólu.