Sér ekki ástæðu til að skipta um formann
Setja bókamerki
Birgir Þórarinsson, þingmaður Sjálfstæðisflokksins og áður Miðflokksins, segist ekki sjá ástæðu til þess að breyta um forystu í Sjálfstæðisflokknum.
Guðlaugur Þór Þórðarson, umhverfis-, orku- og loftslagsráðherra, tilkynnti í gær að hann ætlaði að bjóða sig fram gegn Bjarna Benediktssyni, fjármála- og efnahagsráðherra, í embætti formanns Sjálfstæðisflokksins á landsfundi flokksins næstu helgi.
„Báðir eru þeir dugmiklir stjórnmálamenn sem ég met mikils. Ég sé hins vegar ekki ástæðu til breytinga svo skömmu eftir kosningar,“ segir Birgir um formannsslaginn í samtali við mbl.is.
Í Morgunblaðinu í dag kom fram að níu þingmenn Sjálfstæðisflokksins styðji Bjarna til þess að halda áfram sem formaður flokksins. Með Birgi eru því orðnir tíu þingmenn sem styðja núverandi ástand.
Fimm þingmenn flokksins hafa ekki tjáð sig um það opinberlega hvern þeir munu styðja í formannskjörinu. Það eru þau Njáll Trausti Friðbertsson, Ásmundur Friðriksson, Haraldur Benediktsson, Vilhjálmur Árnason og Diljá Mist Einarsdóttir.
Banna mengandi búnað sem leyfður er á Íslandi
Vonast til að tjaldbúðir við HÍ standi áfram
Sex hafa greinst með listeríu
Nemendur í HÍ reistu tjaldbúðir án leyfis
Telur forsendur fyrir vaxtalækkun
Strand skemmtiferðaskips kallar á erlenda aðstoð
/frimg/1/29/32/1293273.jpg)
Ekki af baki dottinn og ætlar að opna B5 aftur