Elsta íslenska pappírsbréfið sem varðveist hefur er frá árinu 1437, skrifað af Þorvarði Loftssyni, bónda á Möðruvöllum í Eyjafirði.
Við rannsóknir tengdar verkefninu Pappírsslóð rakin kom í ljós að vatnsmerki er á bréfinu, drekahali sem er brot af stærra vatnsmerki sem er mynd af dreka.
Drekavatnsmerki hafa verið tengd svæðinu milli Utrecht og Arnhem, nálægt Rín, þar sem Holland er nú, á árunum 1351–1451, að sögn Silviu Hufnagel, fræðimanns hjá Stofnun Árna Magnússonar í íslenskum fræðum.
Lesa má meira um málið í Morgunblaðinu í dag.