Karlmaður fannst látinn við Gufunesveg í Reykjavík í morgun.
Þetta staðfestir Grímur Grímsson, yfirlögregluþjónn miðlægrar rannsóknardeildar hjá lögreglunni á höfuðborgarsvæðinu, í samtali við mbl.is en fyrst var greint frá líkfundi á dv.is.
Grímur segir að maðurinn hafi fundist í snjóskafli en vildi ekki meira segja um málið að svo stöddu.
Ekki liggur fyrir hvort talið er að andlátið hafi borið að með saknæmum hætti.