Lögreglan á höfuðborgarsvæðinu, í umdæmi Grafarvogs, Árbæjar og Mosfellsbæjar, hafði í gær afskipti af ökumanni sem var án ökuréttinda vegna aksturs undir áhrifum áfengis og fíkniefna. Bifreiðin var upphaflega stöðvuð vegna rannsóknar á líkamsárás sem ökumaður er einnig grunaður um.
Þá var annar einstaklingur í sama umdæmi einnig handtekinn og vistaður vegna rannsóknar á líkamsárás.
Þetta kemur fram í dagbók lögreglu.
Lögreglan í Hafnarfirði og Garðabæ ók ölvuðum manni heim sem hafði verið til óþurftar. Lögreglan í sama umdæmi var einnig kölluð til vegna líkamsárásar og er málið í rannsókn.
Maður var vistaður í fangageymslu eftir ítrekað ónæði í miðborg Reykjavíkur. Hann var í mjög annarlegu ástandi.
Tveimur var vísað frá byggingarsvæði en þeir voru grunaður um að vera að brjótast inn. Í dagbókinni kemur þó fram að þeir hafi verið undir áhrifum „eitthvað að villast“.
Þá var óskað eftir aðstoð lögreglu í tvígang við að vísa fólki út sem var óvelkomið á hóteli og í spilasal.