„Þarna er um að ræða skýrslu sem ég tel mjög gallaða. Byggt er á röngum tölulegum upplýsingum og hún markast af einsýni. Það vantar stjórnsýslulega og menningarlega sýn á þá starfsemi sem um ræðir,“ segir Hrafn Sveinbjarnarson, héraðsskjalavörður í Kópavogi, um úttekt sem KPMG hefur gert fyrir bæjarstjórnina á menningarstofnunum bæjarins.

„Ég vænti þess að bæjarfulltrúar í Kópavogi hafi til að bera skynsemi og ábyrgðartilfinningu til að stíga engin óheillaspor á grundvelli þessarar skýrslu.“

Hrafn Sveinbjarnarson, héraðsskjalavörður í Kópavogi. Rax / Ragnar Axelsson

Frétt af mbl.is

Spara á í rekstri menningarhúsa

Greint var frá helstu tillögum skýrslunnar í Morgunblaðinu á laugardaginn.

Þar eru nefndar ýmsar leiðir til að spara og hagræða í rekstri á sviði menningarmála. Meðal annars er bent á að bænum sé ekki lögskylt að halda úti rekstri héraðsskjalasafns eða náttúrufræðistofu.

Virðist liggja í loftinu að bæjarstjórnin íhugi að fara sömu leið og borgarstjórn Reykjavíkur, sem samþykkti á dögunum að leggja niður Borgarskjalasafnið og fela Þjóðskjalasafninu lögbundna þætti starfseminnar.

Frétt af mbl.is

Sameinist í stóru safnahúsi

Fréttir um að Héraðsskjalasafni Kópavogs séu hugsanlega búin sömu örlög og Borgarskjalasafninu hafa vakið ólgu meðal fræðimanna og skjalavarða og hafa m.a. skapast miklar umræður um málið á póstlista sagnfræðinga, Gammabrekku.

Nán­ari um­fjöll­un er að finna í Morg­un­blaðinu í dag.

Tengdar fréttir

Lokanir héraðsskjalasafna

Alvarleg og óskiljanleg atlaga

• Öllum náttúrufræðingum sagt upp
• Hætta á að menn­ing­ar­verðmæti glat­ist
• Gagnrýna vinnubrögð sveitarstjórna og KPMG
• Skora á meirihlutann að endurskoða ákvörðunina

» Fleiri tengdar fréttir