„Þetta mál er í fullri vinnslu hjá okkur og við höldum þétt utan um þetta mál,“ segir Hrönn Jörundsdóttir forstjóri MAST. Stofnunin fékk ábendingu um meinta slælega meðferð á hestum í Arnarfirði. Að sögn hennar mun málið taka einhverja daga í vinnslu áður en skýrsla verður gerð um aðbúnað hestanna.

Málið snýr að ábendingu sem barst frá Steinunni Árnadóttur hestakonu, sem ferðaðist um 800 kílómetra til að skoða ástand hesta á sveitabæ í Arnarfirði. Taldi hún hestana upplifa þjáningu og gerði viðeigandi yfirvöldum viðvart í kjölfarið. MAST hefur áður fengið kvörtun vegna ástandsins en aðhafðist ekki.

Frétt af mbl.is

„Langaði helst að aflífa einn þeirra á staðnum“

Ekki í Dýrafirði

Í frétt sem birtist um málið í Morgunblaðinu í gær var ranglega sagt að málið hefði komið upp í Dýrafirði. Hið rétta er að MAST skoðar aðbúnað og ástand hesta sem eru á sveitabæ í Arnarfirði. Beðist er velvirðingar á þessum rangfærslum.

Tengdar fréttir

Dýraníð

Kindurnar bera úti og lömbin drepast

• Dýraverndunarsamtök kæra meint dýraníð blóðmera
• Koma upplýsingunum áfram til MAST
• Efla þarf eftirlitið á vissum sviðum
• Rannsókn á meðferð blóðmera felld niður

» Fleiri tengdar fréttir