Rafsuðuvél stolið í Grafarvogi
Setja bókamerki
Tilkynnt var um innbrot og þjófnað í Grafarvogi um hálfellefuleytið í gærkvöldi. Brotist hafði verið inn á verkstæði og stolið þaðan rafsuðuvél.
Langt yfir hámarkshraða
Ökumaður var stöðvaður fyrir of hraðan akstur í hverfi 104 í Reykjavík upp úr klukkan eitt í nótt. Hann ók á 133 km hraða þar sem hámarkshraði er 60 km/klst.
Ökumaðurinn var sviptur ökuréttindum.
Laust fyrir klukkan sjö í gærkvöldi var tilkynnt um mann sem hafði notið veitinga á veitingastað í miðbæ Reykjavíkur og neitaði svo að borga fyrir þær.
Um hálfáttaleytið í gærkvöldi var tilkynnt um mann í annarlegu ástandi sem neitaði að yfirgefa veitingastað í hverfi 104. Honum var vísað út af lögreglu, að því er segir í dagbók lögreglunnar á höfuðborgarsvæðinu.
Tilkynnt var um umferðarslys í miðbæ Reykjavíkur um eittleytið í nótt. Engin slys urðu á fólki. Bifreiðarnar voru fjarlægðar með dráttarbifreið.
Um sjöleytið í gærkvöldi var tilkynnt um þjófnað úr verslun í hverfi 201 í Kópavogi. Málið var afgreitt á vettvangi.
Þá var maður handtekinn í Breiðholti vegna gruns um að selja fíkniefni og peningaþvætti. Hann gistir fangageymslu lögreglu.
Þrír ökumenn voru sömuleiðis handteknir vegna gruns um akstur undir áhrifum vímuefna.
Of margir nemendur og ákall um hæft starfsfólk
Björninn sagður nálægt byggð
Eðlileg viðbrögð að fella tár
Óánægja er með áform um efnistöku
Eina leiðin var að fella björninn
Maðurinn sem leitað var að fannst látinn
Mikill útflutningur frá Vestfjörðum
Vendingar vestanhafs geti haft áhrif hér heima