„Þessar varnarlínur skipta okkur mjög miklu máli og eru liður í því að við séum með heilbrigða sauðfjárstofna um allt land. Þegar koma upp atvik eins og riðuveiki í einstaka héruðum er hægt að grípa til aðgerða þar en ekki þarf að hafa allt landið undir,“ segir Lilja Rannveig Sigurgeirsdóttir alþingismaður um sauðfjárveikivarnargirðingar og bætir við: „Ég tel einnig að almenn fræðsla sé mikilvæg um það hvað þessar girðingar eru mikilvægar svo fólk flytji ekki dýr á milli hólfa eða skemmi girðingar til að fara yfir þær.“