Ekkert nafn er komið á hraun eldgossins á milli Litla-Hrúts og Keilis að sögn Sig­urðar Guðjóns Gísla­sonar, formanns Land­eig­enda­fé­lags Hrauns, en eldgosið er í landi Hrauns.

Hraun eldgossins við Fagradalsfjall árið 2021 fékk nafnið Fagradalshraun en það er sveitarstjórn Grindavíkurbæjar að ákveða nafnið. 

Frétt af mbl.is

Hraunið mun heita Fagradalshraun

Sigurður nefnir að þá var haft samband við landeigendur vegna nafngiftarinnar.

„Ég veit ekki hvaða háttur verður á því núna eða hvernig þetta mun fara. Það mun örugglega skýrast á þróun næstu daga.“

Hann nefnir að alls konar kennileiti eru í kringum eldgosið sem gætu nýst ef hrauninu verður gefið nafn. 

Fyrstu mælingar 

Fyrstu mælingar jarðvísindafólks hjá Jarðvísindastofnun HÍ voru birtar í kvöld. 

Hópur frá Náttúrufræðistofnun og Jarðvísindastofnun flaug yfir gosstöðvarnar um kl. 18 í gær og tók lóðréttar loftmyndir af hrauninu með Hasselblad myndavél Náttúrufræðistofnunar. 

Kort/Jarðvísindastofnun

Niðurstöður mælinganna eru að um 25 tímum eftir gosbyrjun var rúmmál hraunsins um 1,7 milljón rúmmetrar, sem samsvarar því að meðalhraunflæði þessa 25 tíma hafi verið um 18-20 m3/s. 

Rennsli var mest á mánudagskvöld og líklega var hámarksrennslið yfir 50 m3/s.  Sennilega var hraunrennslið komið nálægt 15 m3/s síðdegis þann 11. júlí.  

Þá er efnasamsetning hraunsins af svipaðri gerð og hraunið sem kom upp í lok gossins 2021 og þess sem gaus í ágúst í fyrra.

Áætlað er að safna meiri upplýsingum á næstunni og fylgjast með þróun hraunrennslisins.

Tengdar fréttir

Eldvirkni á Reykjanesskaga

Ótækt að tala um „annað gos“

• Vara við gönguferðum að gosinu
• Nærri tíu milljónir rúmmetra af kviku
• Gylfi Þór ráðinn í samhæfingu vegna Grindavíkur
• Hvorki sést áður hér á landi né annars staðar

» Fleiri tengdar fréttir

• Blogga um frétt