Rannsókn stendur enn yfir á rútuslysinu sem varð á veginum rétt sunnan við Blönduós á föstudaginn en rúta, með 23 farþega innanborðs auk ökumanns, lenti út af veginum.

Rannsókn á tildrögum slyssins er annars vegar á hendi lögreglunnar á Norðurlandi vestra og hinsvegar hjá rannsóknarnefnd samgönguslysa.

„Rútan er í rannsókn þar sem meðal annars er verið að skoða ökuritann og þá erum við að ræða við alla sem í rútunni voru. Í framhaldinu verða svo teknar skýrslur af þeim. Þessi vinna verður í gangi næstu vikur,“ segir Vilhjálmur Stefánsson, lögreglufulltrúi hjá lögreglunni á Norðurlandi vestra.

Vilhjálmur segist ekki vita hvort einhverjir séu enn á sjúkrahúsi en sjö voru fluttir á sjúkrahús í Reykjavík með þyrlu Landhelgisgæslunnar og í sjúkraflugi. Aðrir voru fluttir á heilbrigðisstofnun Norðurlands á Akureyri. 

„Það er nú líklegt að einhverjir liggi enn inni á sjúkrahúsi enda var þetta mikið slys,“ segir Vilhjálmur en að því er best er vitað slasaðist enginn lífshættulega. Slysið var flokkað sem svokallað háorkuslys.

Tengdar fréttir

Rútuslys við Blönduós

Allir nema einn útskrifaður

• Farþegarnir starfsmenn á búsetukjörnum Akureyrar
• „Hluti af viðbragði okkar“
• Enginn í lífshættu
• „Allir komnir undir læknishendur“

» Fleiri tengdar fréttir

• Blogga um frétt