Farþegarnir starfsmenn á búsetukjörnum Akureyrar
Setja bókamerki
Flestir af þeim 24 sem fluttir voru á sjúkrahús í kjölfar rútuslyss á þjóðveginum nærri Blönduósi í gærmorgun eru komnir heim. Allir farþegar rútunnar eru starfsmenn á velferðarsviði Akureyrarbæjar.
Hópferðabifreið lenti út af veginum rétt sunnan við Blönduós á sjötta tímanum í gærmorgun. Í bifreiðinni voru 23 farþegar auk ökumanns. Þyrla Landhelgisgæslunnar og allir tiltækir viðbragðsaðilar voru kallaðir út. Rauði krossinn opnaði einnig fjöldahjálpastöð á Blönduósi í kjölfar slyssins.
Enginn þeirra sem var um borð er í lífshættu, samkvæmt því sem Höskuldur Erlingsson, aðalvarðstjóri lögreglunnar á Norðurlandi, sagði við mbl.is í gær.
Flestir komnir heim af sjúkrahúsi
„Það eru flestir komnir heim með, sem betur fer, minniháttar meiðsli en einhverjir eru enn á sjúkrahúsi, með frekari meiðsli,“ segir Ásthildur Sturludóttir, bæjarstjóri Akureyrarbæjar, í samtali við mbl.is.
Af þeim 24 sem voru um borð voru sjö fluttir á sjúkrahús í Reykjavík og aðrir fluttir á heilbrigðisstofnun Norðurlands á Akureyri.
„Þetta er starfsfólk í búsetuþjónustu. Það vinnur á búsetukjörnunum hjá okkur,“ bætir hún við en Rúv greindi frá því í gær að starfsfólkið var á leiðinni heim eftir námskeið og ráðstefnu í Portúgal.
Ásthildur segist ekki hafa fengið frekari upplýsingar um ástand samstarfsfólks síns síðan í gær.
„Þær áttu bara að læra sína lexíu“
Þyrla forsetans lenti í „slysi“
Haustbragur í maí: Snjókoma fyrir norðan
Veita fyrirtækjum brú yfir óvissutímabil
Telur að Rússar herði sókn sína í norðaustri
Kostnaðurinn nemur allt að þremur milljörðum
Kærir teiknara Vísis til siðanefndar
Gegnum lykilhlutverki fyrir NATO