Saksóknari í Drangahraunsmálinu svokallaða, þar sem Maciej Jakub Tali er ákærður fyrir manndráp með því að hafa stungið meðleigjanda sinn fimm sinnum með hníf, fór í dag fram á að Maciej hlyti 16 ára fangelsi. Aðalmeðferð málsins hélt áfram í dag eftir að hún hófst á mánudaginn.

Dagmar Ösp Vésteinsdóttir, saksóknari málsins fór jafnframt fram á að Maciej yrði dæmdur til að greiða sakarkostnað upp á fjórar milljónir. Rúv greinir frá.

Greint er frá því að ákæruvaldið telji vitnisburð Maciej ekki trúverðugan, en Maciej hafði meðal annar sagt að hann hafi stungið meðleigjanda sinn ítrekað í sjálfsvörn eftir að meðleigjandinn hafi fyrst ráðist gegn sér.

Frétt af mbl.is

Deildu um peninga fyrir manndrápið

Rúv greinir jafnframt frá því að verjandi Maciej hafi farið fram á sem vægustu refsingu og meðal annars vísað til þess að hann hafi gefið sig fram á vettvangi og að umdeild skilaboð sem hann hafði áður sent á vin sinn, og ákæruvaldið taldi sýna vilja hans til að fremja manndrápið, sanni ekkert.

Tengdar fréttir

Manndráp í iðnaðarhverfi í Hafnarfirði

Bað félaga sinn um að hringja á sjúkrabíl

• Maciej dæmdur í sextán ára fangelsi
• Hnífurinn kallaði á endurupptöku
• Fann hnífinn þegar hún var að tæma íbúðina
• „Þetta eru bara mistök af okkar hálfu“

» Fleiri tengdar fréttir

• Blogga um frétt