Slegin yfir fréttum af riðuveiki
Setja bókamerki
Sveitarstjóri Húnaþings vestra segist slegin yfir þeim tíðindum að riðuveiki hafi greinst á bæ í sveitarfélaginu. Hún segir sveitarfélagið munu styðja við bændurna.
Riða greindist í einu skimunarsýni frá bænum Stórhóli og barst Matvælastofnun tilkynning þess efnis fyrir helgi.
Aðgerðir skipulagðar
„Við erum auðvitað mjög slegin og hugsum hlýtt til bændanna sem eru að verða fyrir þessum hörmungum,“ segir Unnur Valborg Hilmarsdóttir, sveitarstjóri Húnaþings vestra, í samtali við mbl.is.
Málið er á frumstigi og MAST skipuleggur nú aðgerðir.
„Sveitarfélagið hefur ekki aðkomu að þessu nema að það verði einhver vandræði með förgun á hræjunum en aðgerðir eru allar í höndum Matvælastofnunar,“ segir Unnur Valborg.
„Við erum auðvitað til stuðnings fyrir bændurna og leggjum þeim lið eins okkur er fært.“
Breytingar á skipulagi fréttadeildar RÚV
Forsetinn líti yfir axlirnar á þingheimi
Nemendur í HÍ reistu tjaldbúðir án leyfis
Mál hjúkrunarfræðingsins fer aftur fyrir héraðsdóm
Norskur lögreglumaður dæmdur
Hvorki sést áður hér á landi né annars staðar
Kaldasti veturinn kom að óvörum