Kvikan ekki að brjóta sér leið til yfirborðs sem stendur
Setja bókamerki
Skjálftahrinan við Sundhnúkagígaröðina hófst á suðurenda gossprungunnar þar sem gaus 18. desember. Kvika virðist aftur á móti ekki vera að brjóta sér leið upp á yfirborðið í augnablikinu.
Þetta kemur fram í tilkynningu á vef Veðurstofu Íslands en eins og fram hefur komið hefur smáskjálftahrina við Sundhnúkagígaröðina. Skjálftavirknin færist nú í suður og er nú talin mest nálægt Sýlingarfells.
Hófst á enda gossprungunnar
Veðurstofan segir virknina benda til þess að kvikuhlaup sé hafið og eldgos getur hafist í kjölfarið. Hrinan hafi hafist á suðurenda gossprungunnar þar sem gaus 18. desember.
Þrýstingsbreytingar í borholukerfum HS Orku benda til þess að kvikuhlaup sé hafið, að sögn jarðeðlisfræðingsins Benedikts Gunnars Ófeigssonar á Veðurstofu Íslands.
Veðurstofan hefur uppfært hættumatskort vegna jarðhræringanna.
Aflögunin mun minni
Aflögunin sem nú mælist er mun minni en áður hefur mælst í aðdraganda eldgosa. Það gæti bent til þess að minni kvika sé á ferðinni nú en í fyrri eldgosum.
Dýpi skjálftavirkninnar bendir ekki til þess að kvika sé að brjóta sér leið til yfirborðs eins og staðan er núna.
Ein þeirra sviðsmynda sem nefnd hefur verið er að kvikuhlaup verði án þess að til eldgoss komi, segir að lokum í frétt Veðurstofunnar.
Vonast til að tjaldbúðir við HÍ standi áfram
Kaldasti veturinn kom að óvörum
Forsetinn líti yfir axlirnar á þingheimi
Nemendur í HÍ reistu tjaldbúðir án leyfis
Frambjóðendur skila inn listum í Hörpu
Skaut sex sinnum að feðginum á aðfangadagskvöld
„Höfum ekki náð að skríða upp úr þeirri gryfju“