Veðurstofa Íslands hefur lýst yfir óvissustigi vegna hugsanlegrar snjóflóðahættu á norðanverðum Vestfjörðum frá kl. 10 á morgun.
Lögreglan á Vestfjörðum vekur athygli á þessu á Facebook-síðu sinni.
„Veðurspá gerir nú ráð fyrir versnandi veðri í nótt með hvassviðri og snjókomu sem færast muni í aukana og vara fram á mánudagskvöld. Þá verður einnig sérstaklega fylgst með stöðunni á Súðavíkurhlíð, Flateyrarvegi og Raknadalshlíð í Patreksfirði vegna mögulegrar snjóflóðahættu gangi spáin eftir,“ segir í færslu lögreglunnar á Facebbok.
Veðurstofa Íslands hefur lýst yfir óvissustigi vegna hugsanlegrar snjóflóðahættu á norðanverðum Vestfjörðum frá kl....
Posted by Lögreglan á Vestfjörðum on Laugardagur, 16. mars 2024