Kvika flæðir úr sjö til átta gígum
Setja bókamerki
Kvika flæðir úr sjö til átta gígum í eldgosinu við Sundhnúkagíga og virðast barmar þeirra vera að hlaðast upp. Talsverð virkni virðist áfram vera við eldstöðina og er hún svipuð og í gærkvöldi.
Einar Hjörleifsson, náttúruvársérfræðingur hjá Veðurstofu Íslands, segir að ekkert virðist draga úr hraunflæði næst gígunum en það kemur betur í ljós þegar birtir af degi.
Lítil jarðskjálftavirkni er á svæðinu.
Gasmengun í Reykjanesbæ
Varðandi gasmengun af völdum eldgossins var spáð hægri suðlægri átt á gosstöðvunum í nótt en vaxandi suðaustanátt í dag. 13 til 20 metrar á sekúndu verða síðdegis en lægir undir kvöld. Gasmengun mun berast til norðvesturs og gæti hennar orðið vart í Reykjanesbæ og nálægum byggðalögum. Í gasmælingum í nótt hefur ekkert mælst í óhollum gildum, að sögn Einars.
Engar nýjar fréttir voru í nótt af landrisinu sem er aftur hafið við Svartsengi.
„Höfum ekki náð að skríða upp úr þeirri gryfju“
Vonast til að tjaldbúðir við HÍ standi áfram
Breytingar á skipulagi fréttadeildar RÚV
Hvorki sést áður hér á landi né annars staðar
Kaldasti veturinn kom að óvörum
Forsetinn líti yfir axlirnar á þingheimi
Frambjóðendur skila inn listum í Hörpu