Komnar eru fram hugmyndir um að Akureyri verði næsta borg á Íslandi. Starfshópur sem innviðaráðherra skipaði til að móta borgarstefnu lagði til að Akureyri verði næsta borg á Íslandi.

Ragnar Gunnarsson er borinn og barnfæddur á Akureyri og einnig brottfluttur. Hann segist setja spurningamerki við það að gera Akureyri að borg. „Ég veit ekki um neina borg í heiminum sem telur tuttugu þúsund manns,“ segir Raggi Sót og segir að vissulega sé Akureyri höfuðstaður Norðurlands en hann hefur aldrei um svo fámenna borg.

Frétt af mbl.is

Akureyri verði næsta borg landsins

Þegar Raggi ólst upp á Akureyri segir hann að óttalegur smáborgarabragur hafi verið á bænum. Allir voru mættir út á morgnana klukkan tíu á frídögum að þrífa og bóna bílana. Í minningunni var gestrisni ekki mikil og einungis þeir sem voru bornir og barnfæddir töldust heimamenn. Allir aðrir voru aðkomumenn.

Hann segir að mikil breyting hafi orðið á og rekur það fyrst og fremst til háskólasamfélagsins sem hafi myndast á Akureyri. Það hafi haft í för með sér miklar breytingar. Hann nefnir sem dæmi að nú sé erfitt að komast að á veitingastöðum ætli fólks sér út að borða.

Raggi Sót var gestur Dagmála og ræddi mörg þau mál sem ofarlega eru á baugi í þjóðfélaginu í dag. Viðtalsbrotið sem fylgir þessari frétt er um hina væntanlegu borg fyrir norðan og muninn á Akureyringum og Reykvíkingum.

Áskrifendur Morgunblaðsins hafa aðgang að þættinum í heild sinni.

Ríkisstjórnin, Seðlabanki og flóttamenn

Tengdar fréttir

Dagmál

Keypti Hvítasunnudag fyrir svimandi upphæð

• Hefur ekki leyft sprelligosanum að skína
• Vonbrigði fyrir Katrínu?
• Íslendingar ein mest einmana þjóð heims
• Ris Höllu Hrundar breytir myndinni

» Fleiri tengdar fréttir

• Blogga um frétt