Framkvæmdastjóraskipti hjá Sjálfstæðisflokki

Kjartan Gunnarsson afhendir Andra Óttarssyni lykla að skrifstofum Sjálfstæðisflokksins. Geir …
Kjartan Gunnarsson afhendir Andra Óttarssyni lykla að skrifstofum Sjálfstæðisflokksins. Geir H. Haarde og Þorgerður Katrín Gunnarsdóttir fylgjast með.

Kjartan Gunnarsson hætti störfum sem framkvæmdastjóri Sjálfstæðisflokksins um áramótin Andri Óttarsson tók við starfinu. Framkvæmdastjóraskiptin fóru fram á fundi Geirs H. Haarde, forsætisráðherra og formanns flokksins, og Þorgerðar Katrínar Gunnarsdóttur menntamálaráðherra og varaformanns, með Kjartani og Andra í Valhöll í dag.

Greint var því á fundi miðstjórnar Sjálfstæðisflokksins 3. október sl., að Kjartan Gunnarsson óskaði eftir að láta af störfum.  Um leið og miðstjórnin fellst á þá ósk var samþykkt að ráða Andra Óttarsson hdl. í starf framkvæmdastjóra.  Ákveðið var að framkvæmdastjóraskiptin skyldu fara fram samkvæmt nánara samkomulagi formanns flokksins og fráfarandi og viðtakandi framkvæmdastjóra.

Andri kom til starfa á skrifstofu Sjálfstæðisflokksins í byrjun október og hefur starfað með fráfarandi framkvæmdastjóra síðan. Kjartan hefur verið framkvæmdastjóri Sjálfstæðisflokksins frá því haustið 1980.

mbl.is

Innlent, Kosningar — Fleiri fréttir

Föstudaginn 21. janúar

Fimmtudaginn 20. janúar

Miðvikudaginn 19. janúar

Þriðjudaginn 18. janúar

Mánudaginn 17. janúar

Sunnudaginn 16. janúar

Föstudaginn 14. janúar

Fimmtudaginn 13. janúar

Fimmtudaginn 6. janúar

Þriðjudaginn 21. desember

Föstudaginn 17. desember

Fimmtudaginn 16. desember

Miðvikudaginn 15. desember

Miðvikudaginn 8. desember

Miðvikudaginn 1. desember

Þriðjudaginn 30. nóvember

Mánudaginn 29. nóvember

Sunnudaginn 28. nóvember