Gæðavottaðar vörur á góðu verði
Setja bókamerki
/frimg/1/47/73/1477328.jpg)
Bílasmiðurinn á Bíldshöfða er sérverslun sem sérhæfir sig í þjónustu á vörum tengdum atvinnubifreiðum, iðnaðarvörum og tækjum af ýmsu tagi. Vöruúrval Bílasmiðsins er afar fjölbreytt en fyrirtækið leggur ríka áherslu á hágæða vörur sem uppfylla ákveðna gæðastaðla.
Árið 1980 var Bílasmiðurinn stofnaður af Leifi Þorleifssyni, bifreiðasmíðameistara, og fagnar fyrirtækið því 43 ára starfsemi í ár. Nú er reksturinn í öruggum höndum barna Leifs, þeirra Páls Þórs Leifssonar og Erlu Leifsdóttur, sem hafa séð um að halda starfsemi Bílasmiðsins gangandi síðustu ár á farsælan hátt.
„Starfsmenn Bílasmiðsins eru sex talsins um þessar mundir,“ segir Páll Þór Leifsson, annar eiganda Bílasmiðsins. „Þeir búa allir yfir áratugalangri reynslu í greininni,“ segir hann og hefur reynslu, traust og fagmennsku að leiðarljósi í rekstrinum.
Heimsþekkt vörumerki á hagstæðu verði
Bílasmiðurinn hefur söluumboð á Íslandi fyrir allmörg heimsþekkt vörumerki á sviði bílaiðngreinarinnar. Mikil áhersla hefur verið lögð á að vera í viðskiptum við evrópska vörubirgja til að tryggja gæðavottaðar vörur á góðu verði.
„Við kappkostum að veita viðskiptavinum okkar fyrirtaks þjónustu og verslum við birgja og framleiðslufyrirtæki frá Evrópu til að geta tryggt viðskiptavinum okkar endingargóðar vörur og hagstæð kjör,“ segir Páll sem einnig rekur þjónustuverkstæði í nafni Bílasmiðsins.
„Bílasmiðurinn rekur verkstæði fyrir þýsku Webasto-miðstöðvarnar sem eru vel þekktar hér á landi fyrir áreiðanleika. Þessar miðstöðvar hafa hlýjað landanum á köldum vetrarmorgnum þegar hrímið leggst á bílrúðurnar,“ útskýrir Páll og vísar til hágæða forhitara sem fáanlegir hafa verið í Bílasmiðnum um árabil.
„Þá er hægt að gefa sköfunni frí. Miðstöðin frá Webasto sér um málið á meðan,“ segir hann og bendir á að forhitararnir séu einnig mjög vinsælir á meðal húsbíla- og bátaeigenda að ógleymdum eigendum atvinnubifreiða og véla.
„Nýjasta varan í versluninni okkar frá Webasto eru heimahleðslustöðvar sem kallast Webasto PURE II og eru framleiddar í Þýskalandi. Þetta er glæsileg hönnun, þægileg í notkun og er framleidd samkvæmt gæðastaðli þýskra bílaframleiðanda.“
Stærsti stólaframleiðandi heims
Vörumerkið RECARO er þekkt fyrir framleiðslu á afbragðsgóðum sætum og stólum í allar helstu gerðir bifreiða. Í Bílasmiðnum fást ótalmargar gerðir af þægilegum bílsætum þar sem öryggið er haft í fyrirrúmi.
„RECARO er einn fremsti framleiðandi í heimi á sérútbúnum sætum fyrir hvers kyns farartæki. Hvort sem það eru keppnisstólar eða sérútbúin sæti fyrir atvinnubílstjóra,“ segir Páll en RECARO sérhæfir sig einnig í sölu og framleiðslu á barnabílstólum sem þykja mjög eftirsóknarverðir á heimsvísu.
„Barnabílstólarnir hafa verið afar vinsælir og hlotið fjölda verðlauna fyrir hönnun og öryggi.“
Fjölbreytt úrval
Bílasmiðurinn býður upp á landsins mesta úrval af alls kyns þéttilistum og einangrunarvörum ætluðum bílum og bátum en vöruúrvalið fer sífellt vaxandi.
„Við erum með gott úrval af þéttilistum - það besta á landinu. Hjá okkur má líka finna mikið úrval á bílaperum, margar tegundir af gaspumpum fyrir hlera, allmikið úrval af varúðar- og vinnuljósum á atvinnubíla og vinnuvélar, að ógleymdum brettum fyrir kerrur og vörubíla, ísskápum í báta og húsvagna og ég veit ekki hvað og hvað,“ segir Páll og hvetur alla til að kíkja við í Bílasmiðnum og þreifa á fjölbreyttu vöruúrvalinu en einnig eru yfir 1000 vörunúmer fáanleg í gegnum vefverslun Bílasmiðsins, www.bilasmidurinn.is.
„Við erum að bæta við vöruliðum alla daga,“ segir hann kátur. „Verslun Bílasmiðsins er staðsett á Bíldshöfða 16, 110 Reykjavík og verkstæðið er á Eldshöfða 29, 110 Reykjavík. Verið velkomin.“
Er 83% skattur á hagnað hæfilegur?
Quang Le: „Ég gerði ekkert rangt“
Fjármögnun alríkisins enn í óvissu
Ekki hópuppsögn að segja upp fastri yfirvinnu
„Staðan er grafalvarleg“
Vaxtahækkanir flýti fyrir því að þenslan minnki
„Við erum ekki hafin yfir gagnrýni“