Verkföll lama Frakkland

ERLENT  | 5. desember | 8:24 
Allt útlit er fyrir að athafnalíf Frakklands lamist að mestu í dag þar sem milljónir taka þátt í verkfallsaðgerðum.

Allt útlit er fyrir að athafnalíf Frakklands lamist að mestu í dag þar sem milljónir taka þátt í verkfallsaðgerðum. Ástæðan fyrir vinnustöðvuninni eru breytingar á vinnumarkaði þar sem fólk er skyldað til þess að fara síðar á eftirlaun en áður eða þurfa að taka á sig skerðingu á eftirlaunum. 

 

Starfsmenn skóla og almenningssamgangna, lögreglunnar, lögfræðistofa, spítala og flugvalla eru meðal þeirra sem taka þátt í verkfallinu í dag en vinnustöðvunin er sú víðtækasta í Frakklandi árum saman. Stéttarfélög eru ósátt við áætlanir forseta landsins, Emmanuel Macron, að breyta eftirlaunakerfinu í Frakklandi. 

 

Þrátt fyrir að stjórnvöld hafi reynt að fá stéttarfélögin til að samþykkja málamiðlanir hefur það ekki tekst og því stefnir í að Frakkland lamist að mestu í dag. Skoðanakannanir benda til þess að verkfallsaðgerðirnar njóti stuðnings 69% landsmanna og er stuðningurinn mestur meðal 18 — 34 ára. 

 

Þættir