„Ég fór í nám í lögreglufræðum og er starfandi lögreglumaður í dag,“ sagði júdómaðurinn Sveinbjörn Jun Iura í Dagmálum.
https://www.mbl.is/mogginn/dagmal/ithrottir/237093/
Sveinbjörn, sem er 33 ára gamall, hefur látið lítið fyrir sér fara í júdóheiminum að undanförnu en hann hafði sett stefnuna á þátttöku á Ólympíuleikunum í Tókýó sumarið 2021.
„Mér finnst þetta frábært starf og ég hef fundið mig mjög vel í því,“ sagði Sveinbjörn.
„Það er margt úr júdóinu sem hefur nýst mér vel í starfinu eins og til dæmis virðingin sem maður á að bera fyrir öðru fólki,“ sagði Sveinbjörn meðal annars.
