Concorde-þota komin heim

Einni fyrstu Condorde-þotunni sem smíðuð var í frönsku borginni Toulouse var á dögunum ekið inn í Aeroscopia-flugsafnið sem stendur til að opna í haust. Safnið er við flugvöllinn í Toulouse þar sem einnig má finna höfuðstöðvar evrópska flugvélaframleiðandans Airbus.

Concorde MSN1 var flugprófunarvél og var henni fyrst flogið 6. desember 1973. Allur hennar flugtími fór í prófanir og þróun Concorde-þotunnar eða þar til henni var flogið í síðasta skipti 19. apríl 1985. Henni hefur verið ætlað það hlutverk í framtíðinni að vera til sýnis í Aeroscopia-safninu og mun gestum gefast þess kostur að stíga um borð.

Concorde þótti algjört tækniundur, jafnvel álitin á meðal mestu tækniafrekanna á öldinni sem leið en hún var fyrsta og eina hljóðfráa farþegaþotan í heiminum. Aðeins tuttugu slíkar þotur voru smíðaðar, bæði í Frakklandi og Bretlandi, og voru sex þeirra flugprófunarvélar.

Frétt mbl.is: 45 ár frá fyrsta flugi Concorde

mbl.is
Sólbaðsstofa Súper sól
Enduropna Sólbaðsstofu Súper sól í Hólmaseli 2, 109 Reykjavík. Nýir sól- og ko...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
VILTU VITA FRAMTÍÐ ÞÍNA ?
Spái í bolla og tarot- þeir sem farnir eru segja mer framtíð þína. erla simi 587...
Sumarhús/Gesthús
Mjög vandað sumarhús/Gesthús til sölu, algjörlega viðhaldsfrítt, klætt með lerki...