Leyfir hópmálsókn gegn Facebook

Facebook hefur þurft að verjast á mörgum vígstöðvum síðustu vikur.
Facebook hefur þurft að verjast á mörgum vígstöðvum síðustu vikur. AFP

Alríkisdómari í Kaliforníu heimilaði í gær hópmálsókn gegn Facebook vegna ásakana um að á samfélagsmiðlinum séu persónuverndarlög brotin þegar andlit á ljósmyndum eru greind án sértaks samþykkis notandans.

Facebook hefur síðustu vikur verið harðlega gagnrýnd fyrir að gögn um 87 milljónir notenda hennar komust í hendur þriðja aðila og var svo misbeitt í kosningabaráttunni í Bandaríkjunum árið 2016.

Andlitsgreiningartólið á Facebook var sett í loftið árið 2010. Tólið leggur til hverjir eru á hverri mynd fyrir sig sem birt er á miðlum en þetta segja aðstandendur hópmálsóknarinnar að brjóti í bága við persónuverndarlög í Illinois-ríki.

Dómarinn komst að þeirri niðurstöðu að Nimesh Patel, Adam Pezen og Carlo Licata, sem allir eru frá Illinois, séu hagsmunaaðilar og því geti þeir farið í hópmálsókn gegn Facebook. 

Talsmaður Facebook segir fyrirtækið nú vera að meta niðurstöðu dómarans. Hann bætti við að tekið yrði til harðra varna í málinu.

mbl.is
Subaru Legacy Lux stw 2008
Ekinn 101 þ. km. Leður, topplúga, Xenon aðalljós, dráttarbeisli, hiti í sætum, h...
Subaru legacy til sölu
Subaru legacy árg. 2002, 225 000 km sjálfskiptur, skoðaður 2019, í góðu lagi, ný...
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
Nýjar lundabringur
Vacumpakkaðar lundabringur á skipinu til sölu. 3 skip í pakkningu eða 6 bringur...