„Ísmaðurinn“ át geit fyrir andlátið

Vísindamenn að rannsaka Ötzi.
Vísindamenn að rannsaka Ötzi.

Síðasta máltíð „ísmannsins“ Ötzis innihélt meðal annars geita- og hjartarkjöt. Að þessu hafa vísindamenn nú komist með rannsóknum á vel varðveittum líkamleifum hans sem fundust í austurrísku Ölpunum skammt frá landamærunum að Ítalíu árið 1991. Talið er að Ötzi hafi verið uppi fyrir um 5.300 árum og hafi blætt út á jökli á fjallinu.

Vísindamennirnir fundu einnig korn í maga Ötzis en segja máltíðina augljóslega hafa verið mjög fituríka. Það komi kannski ekki á óvart þar sem hann hélt til í fjalllendi og þurfti á mikilli orku að halda. „Besta leiðin [til að afla orku] er að borða fitu, það gefur þér nauðsynlega orku til að lifa af í harðgerðu umhverfi,“ hefur BBC eftir Frank Maixner sem rannsakað hefur líkamsleifarnar.

Niðurstöður rannsóknarinnar eru birtar í nýjasta tölublaði Corrent Biology og gefa góða mynd af því hvað var á matseðli forfeðra okkar á koparöld.

Vísindamennirnir rannsökuðu magainnihald Ötzis og komust að að fitan sem þar var að finna var ekki úr mjólk heldur frá villtri geit sem heldur til í Ölpunum.

mbl.is
Starfskraftur óskast í Kattholt
Okkur vantar hörkuduglegan starfsmann sem er tilbúinn að vinna undir álagi, er j...
Ukulele
...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Skápur til sölu.
Furuskápur hæð,2.m breidd 0,71meter. 9500.kr. uppl.8691204....