SpaceX segir upp 10% starfsmanna

Elon Musk, eigandi SpaceX.
Elon Musk, eigandi SpaceX. AFP

Bandaríska geimferðafyrirtækið SpaceX, sem er í eigu milljarðamæringsins Elon Musk, hyggst segja upp 10 prósent starfsmanna fyrirtækisins. Yfir sex þúsund manns starfa hjá fyrirtækinu.

Ástæða uppsagnanna er sögð „gríðarlega erfið viðfangsefni sem fram undan eru,“ líkt og segir í tilkynningu frá SpaceX. Þar segir jafnframt að fyrirtækið þurfi að minnka umfang sitt til að ná markmiðum sínum um að komast til Mars og koma á alheimsnettengingu úr geimnum.

Í júní í fyrra rak Musk sjö stjórnendur fyrirtækisins sem höfðu umsjón með gervihnattaverkefni SpaceX, en fyrirtækið keppir við OneWeb og Telesat um að verða fyrsta fyrirtækið til að setja gervihnattanet í loftið.

Þá stefnir SpaceX á að koma mönnuðu geimfari til Mars árið 2024 en fyrirtækinu hefur enn ekki tekist að koma manni út í geiminn.

Frétt Reuters

mbl.is
Vatnshitarar fyrir sumarhús.
Ýmsar gerðir af vatnshiturum 3300w til 24000w fyrir sumarhús, þessi búnaður er f...
4 manna hornklefi Infrarauður Saunaklefi tilboð 279.000 var 350.000
Verð 350.000 Topp klefar.Tilboð 279.000 (er á leiðinni 4 vikur ) Hiti frá 30-...
Hyundai Getz árgerð 2007. Ekinn 187.000
Hyundai Getz árgerð 2007. Ekinn 187.000 km. Góður snattari sem þarf að laga aðei...