Er Bing fórnarlamb kínverskrar ritskoðunar?

Farþegi í kínverskri lest með fartölvu. Bing-leitarvélin hefur ekki verið ...
Farþegi í kínverskri lest með fartölvu. Bing-leitarvélin hefur ekki verið aðgengileg í Kína frá því í gær. Mynd úr safni. STR

Bing, leitarvél Microsoft, hefur ekki verið aðgengileg í Kína frá því í gær og óttast samfélagsmiðlanotendur nú að Bing sé sú síðasta í röð erlendra vefsíðna sem hafa orðið fyrir barðinu á ritskoðun kínverskra yfirvalda.

AFP-fréttaveitan segir að tilraunir til að komast inn á vefslóðina cn.bing.com, sem er kínverska slóð leitarvélarinnar, hafi skilað villuskilaboðum frá því í gær og að þekktasta erlenda leitarvélina sem var aðgengileg í Kína hafi þar með verið fjarlægð.

„Við staðfestum að Bing er ekki aðgengileg í Kína eins og er og við erum að reyna að ákveða næstu skref,“ sagði í yfirlýsingu frá Microsoft, sem kveðst vera að rannsaka málið.

Kínversk stjórnvöld halda úti ritskoðunarbúnaði sem hefur fengið viðurnefnið „Eldveggurinn mikli“ og er það vísun í Kínamúrinn. Eldveggurinn lokar á fjölda erlendra vefsíðna og samfélagsmiðla, m.a. Facebook, Twitter og nokkra erlenda fjölmiðla.

Ekki er hins vegar ljóst hvort Bing sé nú komið á listann yfir bönnuð vefsvæði, eða hvort einfaldlega sé um tækniörðugleika að ræða. Segir AFP Bing hafa, áður en hún hvarf, verið að ritskoða þá leitarmöguleika sem aðgengilegir voru í Kína.

Microsoft barst engin tilkynning frá kínverskum yfirvöldum um lokun síðunnar, samkvæmt því sem fram kemur í yfirlýsingunni. Bandaríski tæknigreinirinn Rob Enderle hjá Enderle Group segir Kína hins vegar augljóslega hafa getuna til að loka á vefsíðuslóðina og mögulega sé það það sem hafi gerst.

„Kínversk yfirvöld hafa verið ágeng varðandi stjórn sína á fjölmiðlum og „ritskoðun“ er eiginlega þeirra annað nafn,“ sagði Enderle. „Hafi leitaraðgerðir leitt til niðurstaðna sem kínversku stjórninni líkaði ekki kæmi mér ekki á óvart ef hún hefði lokað vefnum.“

Enderle segir að vel kunni hins vegar líka að vera að tölvuþrjótar hafi lokað síðunni fyrir mistök.

Kínverska stofnunin sem hefur umsjón með netmálum hefur ekki tjáð sig um málið.

mbl.is
110 fm sumarhús á Suðurlandi..
Sumarhús í Biskupstungum til sölu. Eru 2 hús, annað fullbúið og hitt með þrjú sé...
Hreinsa þakrennur
Hreinsa þakrennur og tek að mér ýmis smærri verkefni Uppl. í síma 847 8704 manni...
Vetur í Tungunum, Eyjasól ehf.
Nú er að skella sér í sumarbústað um helgina og eða næstu... Rúm fyrir 5-6. Tak...
Byggingarstjóri
Allar byggingarleyfisskyldar framkvæmdir krefjast löggilds byggingarstjóra. ...