Amazon hættir við að banna notkun TikTok
Setja bókamerki
Á föstudag sendi bandaríska netverslunin Amazon starfsmönnum sínum tölvupóst þar sem þeir voru beðnir um að eyða kínverska samfélagsmiðlinum TikTok úr símum sínum, séu þeir með aðgang að Amazon-netfangi. Var það sagt vegna „öryggishættu“ sem stafaði af forritinu.
Um fimm tímum seinna fengu starfsmennirnir annan tölvupóst þess efnis að sá fyrri hefði verið sendur fyrir mistök. „Það er engin breyting á stefnu okkar hvað varðar TikTok að svo stöddu,“ segir Kristin Brown, talsmaður Amazon, í yfirlýsingu.
Appið TikTok er í eigu kínverska fyrirtækisins ByteDance, en það nýtur óhemju vinsælda um allan heim um þessar mundir sökum stuttra, skemmtilegra myndbanda sem notendur deila hver með öðrum.
Forritið hefur þó mætt vaxandi tortryggni ýmissa eftirlitsstofnana fyrir meðhöndlun persónuupplýsinga og hafa margir áhyggjur af mögulegum aðgangi kínverskra stjórnvalda að þeim. Mike Pompeo, utanríkisráðherra Bandaríkjanna, sagði til að mynda á mánudag að ríkisstjórn Bandaríkjanna væri með til skoðunar að loka á appið, og önnur kínversk öpp sem væru ógn við þjóðaröryggi Bandaríkjanna. Sagði hann TikTok-notendur hætta á að persónuupplýsingar þeirra enduðu „í höndum kínverska kommúnistaflokksins“
/frimg/1/48/74/1487454.jpg)
Heldur inn í nóttina tuttugu kílóum léttari
Kaldasti veturinn kom að óvörum
Vonast til að tjaldbúðir við HÍ standi áfram
„Höfum ekki náð að skríða upp úr þeirri gryfju“
Breytingar á skipulagi fréttadeildar RÚV
Hvorki sést áður hér á landi né annars staðar
Skaut sex sinnum að feðginum á aðfangadagskvöld
Mál hjúkrunarfræðingsins fer aftur fyrir héraðsdóm