Á 98.974 afkomendur

Íslendingabók vekur í dag athygli á nýrri virkni ættfræðivefsins, en nú er hægt að skoða hversu marga afkomendur einstaklingar eiga. Til þess að hægt sé að skoða fjölda afkomenda þurfa einstaklingarnir að vera fæddir eftir 1700 og að eiga barnabörn.

Í tilkynningu Íslendingabókar kemur fram að bæði sé tiltekið hversu margir séu látnir eða á lífi. Þá kemur fram að sá einstaklingur sem eigi flesta afkomendur og sé fæddur eftir 1700 sé Helga Rafnsdóttir (1701-1731), en hún á 98.974 afkomendur.

• Blogga um frétt