Elon Musk, eigandi Twitter, hefur ákveðið að fresta nýrri áskriftarþjónustu á miðlinum sem felst í því að notendur geta greitt átta dali á mánuði til þess að fá bláa sönnunarstimpilinn við hlið nafns síns.
Þjónustan kallast Twitter Blue en Musk sagði í tísti að hann myndi fresta áskriftarþjónustunni þar til hægt sé að tryggja að um raunverulegan notanda sé að ræða.
Þá sagði hann að sönnunarstimpillinn yrði líklega í mismunandi litum eftir því hvort notandinn er einstaklingur eða stofnun.
Musk greindi ekki frá hvenær Twitter Blue yrði tekið til notkunar.
Holding off relaunch of Blue Verified until there is high confidence of stopping impersonation.
— Elon Musk (@elonmusk) November 22, 2022
Will probably use different color check for organizations than individuals.