Veiði | mbl | 17.5.2019 | 10:32

„Stórlaxaflugan“ Stangó opinberuð

Hér er flugan Stangó eftir Sigurð Héðinn í viðhafnarútgáfu. Virkilega spennandi fluga eins og annað sem komið hefur frá honum. Ljósmynd/SVFR

Stangaveiðifélag Reykjavíkur heldur upp á 80 ára afmæli sitt í dag. Af því tilefni var Sigurður Héðinn, fluguhnýtari og hönnuður fenginn til að hnýta afmælisflugu félagsins. Hún heitir Stangó og fullyrði Sigurður Héðinn sem oftast er kallaður „Haugurinn“ að þetta sé stórlaxafluga. Hann spáir því líka í samtali við heimasíðu SVFR að hún eigi eftir að skila að minnsta kosti 80 löxum í sumar - einum fyrir hvert ár sem félagið hefur verið til.

Mikið stendur til hjá félaginu í dag og verður efnt til veislu og hátíðadagskrár í Elliðaárdalnum síðdegis. Nánar verður fjallað um það hér síðar í dag.

Hér er Stangó svo í veiðiútgáfu. Sigurður Héðinn fullyrðir að þetta sé stórlaxafluga. Ljósmynd/SVFR

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.
101 cm	Laxá í Aðaldal	Richard Jewell	9. ágúst 9.8.