Vatnsmagn í Norðurá aldrei minna

Vatnsbúskapur Norðurár í Borgarfirði er kominn niður í sögulegt lágmarki og á rennslismælinum í Stekk, neðarlega í ánni mældist rennslið 1,7 rúmmetra á sekúndu í gær.

Þetta kemur fram í Skessuhorninu, fréttaveitu Vesturlands. Til samanburðar var rennslið 3,8 rúmmetrar á fyrsta veiðidegi í ánni í byrjun júní og þótt mönnum nóg um. Rennslið var 40 rúmmetrar þegar veiði hófst rigningarsumarið 2018.

Í gær var 241 lax kominn á land úr Norðurá og er það minnsta veiði í manna minnum. Í síðustu viku komu aðeins 16 laxar á land. Minnsta skráða heildarveiði síðan 1974 er 856 laxar og hæpið að sú tala náðist á þessu sumri.

Meðfylgjandi tvær myndir af fossinum Glanna sem birtar voru á Skessuhorninu.  Efri myndin var tekin verslunarmannahelgina en neðri myndin 17. júlí síðastliðinn. Þótt einungis líði rúmar tvær vikur milli mynda sést vel hversu mikið hefur dregið úr rennsli í ánni

Þessu vatnsskortur í Norðurá er einkennandi fyrir allar árnar í Borgarfirði í sumar og veiðin eftir því. 

Mynd af Glanna tekin þann 17. júlí og sést hvað munurinn á vatnsmagni er mikill. Skessuhorn/Guðmundur Bjarki Halldórsson.

• Blogga um frétt

Seinustu hundraðkallar sumarsins