Ágæt veiði hefur verið í Deildará á Sléttu það sem af er sumri og er heildarveiðin komin yfir veiðina síðastliðið sumar.
Að sögn Freys Guðmundssonar, leigutaka árinnar, eru tveir skoskir veiðimenn við veiðar í ánni þessa daganna og hafa þeir landað 20 löxum eftir rúmlega þriggja daga veiði.
Heildarveiðin í hádeginu stóð í 173 löxum og áin komin yfir veiði síðasta sumars þegar 163 laxar veiddust allt tímabilið. Veitt er á allt að þrjár stangir á dag fram til síðari hluta september.
Skotarnir veiddu meðal annars 95 cm lax í gærdag úr veiðistaðnum Holtunum sem er stærsti lax sumarsins úr ánni. Áætluðu Skotarnir að laxinn hafi verið um 9 kíló að þyngd. Fyrr í sumar höfðu veiðst tveir 92 cm laxar en gott hlutfall af stórlaxi mun vera í ánni.
Sagði Freyr að lokum að ágætur gangur hefði líka verið í Ormarsá sem þar er í næsta nágrenni og fyrir um viku voru komnir um 250 laxar þar í bók.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |