Nils Folmer Jörgensen, danski stórlaxasegullinn setti í og landaði fjórða hundraðkallinum sínum í sumar.  Í morgun átti hann ásinn í Víðidal og fór þangað með Jóhanni Hafnfjörð Rafnssyni félaga sínum. Fljótlega setti Nils í og landaði 94 sentímetra hæng, efst í svokallaðri rennu í Harðareyrarstreng. Sá tók Green But túpu.

Þetta er flugan Tin Tin sem stóra hrygnan féll fyrir. Nils hannaði hana sjálfur. Ljósmynd/NFJ

„Eftir að ég sleppti honum sá ég stóran fisk stökkva miklu neðar. Ég rauk þangað og vildi kasta á fisk sem var að hreyfa sig. Ég setti undir fluguna mína Tin Tin og var með hana á sökkenda. Fluga númer tólf hnýtt á gullkrók. Í svona fimmta kasti tók þessi hrygna. Hún var hrikalega sterk og ég sá ekki fiskinn fyrr en eftir langan tíma. Þá varð ég hálf hissa því ég hélt að hann væri mun stærri, svo sterk var hún,“ sagði Nils í samtali við Sporðaköst fljótlega eftir að hafa landað hrygnunni sem mældist sléttir hundrað sentímetrar.

Nils hélt að þessi fiskur væri mun stærri því hrygnan var svo sterk. En þvílíkur fiskur. Ljósmynd/JHR

Þetta er áttundi hundraðkallinn sem veiðist í Víðidalsá í sumar. Nils Folmer hefur landað fjórum slíkum löxum sumarið 2020 eins og sjá má í hundraðkallalista Sporðakasta. Tvo hefur hann fengið í Víðidalsá, einn í Vatnsdalsá og einn í Laxá í Aðaldal á Nessvæðinu.

Þessi tölfræði þýðir að Nils hefur landað tíu prósent af þeim hundraðköllum sem Sporðaköst hafa fengið fréttir af á þessu sumri.

Tengdar fréttir

Hundraðkallar

Nú raðast þeir inn stórlaxarnir

• „Það er komin náttúra í kallana“
• Þeir allra stærstu úr Haukadalsá
• Sá stærsti á Vesturlandi í sumar
• Barðist við laxinn í Svartá í 90 mínútur

» Fleiri tengdar fréttir

• Blogga um frétt

Seinustu hundraðkallar sumarsins