Bjórlagað chillí con carne

Virkilega góður réttur sem rífur í.
Virkilega góður réttur sem rífur í. mbl.is/

Þessi girnilega uppskrift er frá Ara Þór Gunnarssyni matreiðslumanni á Fiskfélaginu. Hér mætir íslenskur bjór - góðu íslensku nautahakki svo úr verður sérlega bragðmikll og góður réttur.

Það væri til dæmis snilld að bjóða upp á þennan rétt með nachos flögum og einum köldum yfir næsta leik.

Chilli con carne með Red IPA

500g Nautahakk - íslenskt. 2stk Laukur, fínt skorinn 2msk Olía 4stk Hvítlauks geirar, fínt skorinn 2tsk Chilli duft 2tsk Kúmenduft 2tsk Kóríanderfræ, mulin 2msk Hveiti 200ml Red IPA 200ml Nautasoð 400gr Skornir tómatar (ferskir eða í dós) 400gr Rauðar nýrnabaunir í dós, sigtaðar og skolaðar 2msk Tómat púrre 1msk Púðursykur 1tsk Þurkað oregano 1 Lárviðarlauf Salt og pipar   1.     Hitið stóran pott yfir meðal hita með olíu þar til olían er orðin heit. 2.     Setjið kjötið og laukinn saman í pottinn og steikið í 5-6 mínútur, 3.     Bætið hvítlauk, chillidufti, kúmeni og kóríanderfræjum saman við og eldið áfram í 2-3 mínútur. 4.     Hrærið hveitinu vel saman við og hellið bjórnum rólega saman við. 5.     Hellið soðinu saman við ásamt restinni af hráefninu. Hrærið á meðan. 6.     Kryddið með klípu af salti og 2 klípum af pipar. 7.     Hitið að lágri suðu. 8.     Lokið pottinum með loki, þó með smá opi og lækkið hitan. 9.     Leyfið að krauma í 45mínútur til klukkustund eða þar til sósan er orðin þykk og kjötið meyrt. 10.  Smakkið til með salti og pipar eftir smekk og berið fram.
mbl.is