Hér er átt við hina ýmsu hluti sem eiga fátt sameiginlegt með matvöru. Vissuð þið til dæmis að það er hægt að opna lokað umslag sem hefur verið í frysti í klukkutíma eða tvo? Hér fyrir neðan gefur að líta margt forvitnilegt og einstaklega gagnlegt.
1. Augnkrem: Að setja á sig kalt augnkrem dregur úr þrota í kringum augun þannig að ávallt skyldi geyma augnkremið í kæli.
2. Eyeliner: Við það að kólna verður fljótandi vökvinn í eyeliner-num harðari í miðjunni sem býður upp á mun nákvæmari línur.
3. Naglalakk: Það vita nú flestir að naglalökk skyldi ávallt geyma í kæli til að þau endist sem lengst. Hins vegar er ráð að taka þau úr kæli nokkru áður en þau eru notuð þar sem erfiðara er að setja þau á sig þegar þau eru köld.
4. Lífrænar og náttúrulegar snyrtivörur: Ef varan er merkt sem lífræn eða náttúruleg má fastlega leiða líkur að því að engin rotvarnarefni séu í henni sem þýðir að það er ráðlegt að geyma hana í kæli.
5. Sokkabuxur: Þetta er mögulega gömul flökkusaga en hún kveður á um að nylon endist lengur sé það geymt í kæli. Það styrki trefjarnar og dragi úr líkum á lykkjuföllum. Þetta þarf þó bara að gera endrum og eins en þá er gott að bleyta sokkabuxurnar, setja þær í plastpoka og frysta yfir nótt. Látið þær svo þiðna og þá ættu þær að endast helmingi lengur.
6. Gallabuxur: Einhver sagði að bestu gallabuxurnar væru þær sem aldrei væru þvegnar. Hins vegar verða þær oft lausar í sér eftir mikla notkun og þá er besta ráðið að frysta þær.
7. Efni með klessum: Er vaxklessa, tyggjó eða eitthvað annað klessulegt í efninu? Þá skaltu frysta það og skafa skítinn burt að því loknu. Klikkar aldrei (eða mjög sjaldan).
8. Lokað umslag: Ef þú þarft að opna umslag sem hefur þegar verið lokað skaltu setja það í plastpoka og frysta í klukkutíma eða tvo. Við það ætti límið að gefa sig.
9. Blóm: Allir alvörublómasalar vita að blóm geymast betur í kæli. Því er ekki úr vegi að stinga vasanum í kæli yfir nótt til að tryggja hámarksendingu blómanna.
10. Koddaver: Það er fátt dásamlegra en ískalt koddaver þegar svo ber við. Besta aðferðin er klárlega að stinga verinu í kæli í dágóða stund til að ná því brakandi fersku og köldu.